Dhaka, 14 November : India Asian Archery Championship 2025 te dangor safalta paise, Dhaka te duita prestigious Recurve category te individual gold medal aru ekta team gold loi, Asian archery te India dangor power hobo lage thaka position ekdom solid banaise. Archery Association of India (AAI) nijor official X account te update di kene itu achievement khan highlight kori dise.
AAI hisab te, Ankita Bhakat Korea laga Suhyeon Nam ke 7-3 te confident laga victorly loi Recurve Women’s Individual Gold jiti loi dise. Association koi dibi kene, Ankita laga performance ekdom phenomenal thaka focus aru resilience dekhaise, aru India Dhaka meet te bi gold strike kori loi ase.
Dusra ekta dangor milestone te, Dhiraj Bommadevara Recurve Men’s Individual title jiti loi dise, nijor compatriot Rahul ke 6-2 te composed laga performance di kene. AAI itu moment ke historic buli koise, kinto Dhiraj ahikhan Asian Championship te itu title jiti thaka first-ever Indian male archer ase. Rahul silver loi dise, aru association tai laga effort ke ekdom remarkable buli praise kori dise — determination aru pride laga ekta bhal example kuina.
India laga medal haul aro dangor hoise Recurve Men’s Team — Yashdeep Bhoge, Atanu Das, aru Rahul — Korea ke 5 (T.29+) – 4 (T.29) te ekta thrilling match te harai loi team gold loi dise.
Kali din te bhi, India compound event khan te tinita gold aru duita silver loi kene bhal performance dikhae thakise. Aji laga victorly add hoi jabile, India laga overall tally chuita gold aru tinita silver te uthi loi kene, itu continental championship te India laga history te ekta strongest performance banai dise.
Archery Association of India khan athlete khan ke appreciation di kene koise, tai khan laga consistency, discipline, aru pressure te composure ekdom bhal dikhaise — aru itu performance desh laga proud moment ase kuise.
Add Comment