Manipur: Security Forces khan 3da din 200 Acres laga Poppy ghas bia kurishe

Imphal, November 15, 2025: Yete mili kina operation khan Ukhrul aru Kangpokpi Districts khan te kurishe koishe. Yete Security Forces khan para 200 Acres laga poppy ghas khan bia kurishe koishe. Etu toh 12^th November para 14^th November din tak thakhishe koishe.

November 14^th din te. Tikhan para Ukhrul District, Lamlai Chingphei Hill Ranges, Thawai Kuki Hill Ranges, Phalee & Tora Bosti Hill Ranges aru Kachai Hill Range khan te kurishe koishe. Yete taikhan etu district khan para 113 Acres nishina poppy ghas bia kurishe koishe. Aru taikhan para 10 Kheti ghor bi jaga jagate bia kuri dishe koishe.

November 13^th din te. Security khan para Government Agencies aru Forest Department khan logote mili kina operation kurishe. Yete taikhan Mullam Hill Range te 35 Acres laga poppy bagan ba kurishe. Aru yete 3da kheti ghor bi bia kurishe. Aru Novembe 12^th din te. Taikhan para 56 acres laga Popy ghas bia kurishe. Etu toh Kangpokpi District laga Thonglang Akutpa & Songjang Hill Ranges aru Awlmun Village khan te. Yete 19 Khetighor, 10 Fertilizer bag aru 9 nimok bosta bia kurishe koishe.