J&K, 15 November : Fitness aru community participation promote kuri bole, Jammu & Kashmir Sports Council Real-time Sports laga collaboration te, aru COROS powered aru Monalisa laga association te, aji 3rd edition Jammu Midnight Marathon organise kuri ase.
Akashvani Jammu Correspondent laga report hisab te, Jammu Midnight Marathon agey para te Union Territory te ekta most exciting aru popular sports event hisab te uthi ahise, juntu te different age group aru region para participant khan ahe. Midnight Marathon te multiple race category thakibo, juntu sob level runners — professional athlete para fitness enthusiast tak — laga hisab te suit kori banai dise. Event Maulana Azad Stadium, Jammu para shuru hobo aru city laga main route khan cross kori jabo, participant khan karone safe, bhal light aru vibrant atmosphere provide kori.
Youth Services aru Sports Minister Satish Sharma organiser khan laga effort ke appreciate kuri dise — night marathon laga concept Jammu te bhal para sustain kuri thaka karone, aru fitness aru sports te city laga interest dangor hoi thaka symbol hisab te. Tai koi dise ki eneka event khan physical well-being promote kuribo, social unity, youth engagement aru community pride bhi strong kuribo. Minister government laga commitment bhi repeat kuri dise — sports culture promote kuri bole Union Territory te infrastructure improve kora, public participation encourage kora aru all level athlete khan karone bisi opportunities provide kori te.
Add Comment