Meghalaya, 25 November : Meghalaya te pro-Inner Line Permit (ILP) ekta organisation state government te kobi request kurise ki entry point khan te regulatory check aru bhi dangor kori dibo lage. Itu kotha utheise karon West Bengal aru Assam te electoral roll laga special intensive revision cholise, aru itu somoi te olop manuh khan itu duita state pora bahar ahise kuina report paise.
Hynniewtrep Youth Council (HYC) laga president Roy Kupar Synrem statement te koi dise ki organisation “bisi chinta te ase ki unregulated bhabi manuh khan state te aha jaise,” aru itu influx pora public safety, internal security aru Meghalaya laga adhikar te effect dibo pare. Tai koise ki itu situation te authority khan pora “urgent aru firm intervention” laga dorkar ase.
Synrem koise ki Meghalaya government laga hand te entry regulate aru verification enforce kuribo laga legal power ase, aru jodi delay nohoile inaction kori thake koi di, taile itu administrative failure hobo. Organisation demand kurise ki legal provision use kuri, manuh khan state te aha te verification aru risk assessment pura hoi jai tak restricted entry rakhibo lage.
HYC laga demand khan te include ase:
• SIR (special intensive revision) affected area pora aha manuh khan laga mandatory registration aru identity verification.
• Major entry gate khan te police personnel aru district official khan deploy kori full enforcement authority dibo.
• Emergency coordination mechanism activate kuri dibo—Deputy Commissioner, Superintendent of Police aru border management unit khan laga milik te.
• Government pora ekta formal notification ulai dibo laga ase, juntu te legal framework aru administrative step khan pura clear kori dibo.
Organisation bhi emphasise kurise ki West Bengal aru Assam logot interstate coordination bhal pora kori dibo lage, jate undocumented movement border cross kuri nohoi. West Bengal te special intensive revision cholise aru Assam te Election Commission pora special revision cholise.
Recent record hishab te 2025 te Meghalaya te 46 Bangladeshi national illegal entry korile aru pakra pora dhora khise. Itu kotha ke “dangor public safety aru legal responsibility laga issue” buli HYC koi dise aru government ke action “swiftly, decisively aru strict law pora” lobo lagi ase kuina remind kurise.
Add Comment