Tokyo, 1 December : Sweden laga pole vault star Armand Duplantis aru American sprinter Sydney McLaughlin-Levrone khan ke 2025 World Athletics awards ceremony te World Athletes of the Year hisab te announce kuri dise.
2025 te, Duplantis men’s pole vault laga world record char-bar break kuri dise aru tai laga 16 competition te ekta bi harianai — indoor aru outdoor duita world title bi sweep kuri loise.
26 saal laga tai modern athletics history te prothom male pole vaulter banise juntu duibar consecutive year ekta event te undefeated thakise.
American McLaughlin-Levrone Tokyo te women’s 400 metre title 47.78 seconds te loi dise, juntu 42 saal laga World Championships record break kuri dise. Tai history te prothom athlete banise juntu 400 metre flat aru 400 metre hurdles duita world title bi loi dise.
Duplantis ke men’s field athlete of the year hisap te declare kuri dise, aru McLaughlin-Levrone ke women’s track athlete of the year hisab te.
Spanish racewalker Maria Perez aru Kenyan long-distance runner Sabastian Sawe khan ke out-of-stadium athletes of the year declare kuri dise, aru Kenya laga 800 metre runner Emmanuel Wanyonyi men’s track athlete of the year honor pai lobo. Australia laga high jumper Nicola Olyslagers women’s field athlete of the year accolade bi loi dise.
Itiya Rising Stars award Kenya laga world medalist Edmund Serem aru China laga Zhang Jiale ke diya hoi.
Add Comment