Madurai, 2 December : Defending champion Germany, Monday din Ireland ke 5-1 te harai dise, FIH Junior Men’s World Cup 2025 laga quarterfinal te nijor jagah confirm kuri loise.
World junior ranking te No.1 thaka Germany, ekta physical match te Ireland ke harai dise, laga pichete tinita laga consecutive win complete kuri loise aru Pool A te top spot bhi majbut kuri loise.
Match shuru homoi first quarter te Germany agey jaise Jonas von Gersum laga goal te. Top-scorer Ben Hasbach right side para left side te backline cross kuri jai D te ekta space paise, aru pichete von Gersum ke ball dise, juntu full-stretch dive mari push-in kuri goal banai loise.
Ireland risky style te attack korise — long ball circle te mori dise, striker khan laga ekta bhal deflection pabo kuina asha kuri. Germany ke hard press kora Ireland laga player khan, Madurai laga garmi te bisi takhat kuri lagise, juntu etia tournament te first time bisi effect dikhaise.
Germany etia Chennai te jabo, aru quarterfinal opponent kun hobo itu janibo lagi wait koribo. Ireland hoilebi Madurai te thakibo aru lower classification round te khelibo.
Jaydon Brooker laga charita goal South Africa ke Canada oporte 9-1 te dangor win dise, aru Pool A te second spot secure kuri loise.
Add Comment