Washington, 3 December : US President Donald Trump Friday te Kennedy Centre te hobo thaka FIFA World Cup 2026 laga draw attend kuribo, itu White House pora koi dise. United States 2026 tournament Canada aru Mexico laga logot milikini co-host kuribo. Draw ceremony pichete, FIFA 2026 World Cup laga updated match schedule unveil kuribo.
“Friday te President Trump FIFA World Cup final draw te Kennedy Center te attend kuribo,” kuina White House Press Secretary Karoline Leavitt briefing te koi dise.
Final Draw te qualified teams laga coach aru officials khan United States laga Washington, DC te thaka prestigious John F. Kennedy Centre for the Performing Arts te milikini thakibo, aru olop time te nijor opponents janibo — juntu te ultimate glory pa bole competition hobo.
Final Draw laga procedure hisab te hosts — Canada, Mexico aru USA — khan pot 1 te rakha jabo. Baki thaka 39 qualified teams khan FIFA Men’s World Ranking (November 19 te issue kora ranking) laga hisab te charita pot te allocate kori jabo, ek-ek pot te 12 team kori.
Last te, FIFA World Cup 2026 Play-Off Tournament laga duita placeholder, aru European play-off laga charita placeholder khan pot 4 te rakhi jabo.
Add Comment