New Delhi, 4 December : India laga pacer Mohit Sharma itu sab format laga cricket pora retire kora announce kuri dise, aru tai laga 14 saal laga career te curtain girai dise. Mohit 2013 te tai laga international debut kori sile aru India te 26 ODI aru 8 T20I khelise, juntu te mur total 37 wicket loi ase.
Tai 2015 Men’s ODI World Cup, juntu Australia aru New Zealand te host kora hoi thakise, itu te India semifinal puncha laga squad te bhi thaki sile. Tai Haryana te bhi domestic cricket te represent kori thaki ase.
“Aji, pura mon pora, moi announce kuru ki moi sab format laga cricket pora retire kuri ase. Haryana represent kora pora India laga jersey pora IPL te khela, itu journey ekdom blessing nisena hoi thakise,” Mohit tai laga Instagram te Wednesday te likhi dise.
“Ekdom special dhanyobaad Haryana Cricket Association ke, juntu moi laga career te backbone nisena thaki dise. Aru moi laga deepest gratitude Anirudh Sir ke, juntu laga guidance aru biswas te moi laga path itu dangor te shape kora ase—words te bujai paribo nohoi. Dhanyobaad BCCI ke, moi laga coaches, teammates, IPL franchises, support staff, aru sob friends ke bhi, moi laga upor te itu bisi bhal pyaar aru support dikile,” tai add kuri dise.
Add Comment