Nagaland, 11 December 2025: IndiGo flight laka series cancellation hoi kina kun toh December 5, 2025 te shuru hoishey, Dimapur Airport khan normal flight operation laka restoration janai dishey. Ekta press release te, Airports Authority of India (AAI) Dimapur airport director, M Pongen, tai pra khobor dishey ki 18 IndiGo flights pra cheita toh cancelled kuri dishey December 5 aro December 10 laka bitor te. Pongen pra koishey airline laka On-Time Performance (OTP) toh 90% bishi thaki shey etu time te.
Hoileh b Airport director pra koishey IndiGo toh etu hoina processed aro refunds cleared kuri shey sop affected passengers khan laka December 10, 2025 tak. December 10 tak, Pongen pra koishey sop pending baggage toh passengers khan ke punchai dishey, except tinta baggage Delhi pra, kun toh bachi kina ase punchibo leh hoileh b current crisis ke pertain kura nahoi. Disruption period time te, Pongen pra koishey aro alak airline operate hwa Dimapur Airport te- Air India Express aro Alliance Air- eku cancellation report kuri nai. Sop alak scheduled operations toh smooth pra continued hoishey, inika koishey.
Add Comment