Nagaland te pesi manu khan electric laka jamala toh janease. Peshi manu jani ke electric laga time te napai. Etu toh aji laka kota nahoi. Nagaland State hoi kena 50 sal par koreshe. Eteya tak phe electric toh phal pora supply napai. Koram time te. Specially Dimapur te peshi dek dar pai. Dimapur te peshe hotel restaurant jukan te Air condtion jolai ase. Aro hotai mohena te peshi dangor dangor dukhan khan ponai ase. Etu toh sob electric jola khan ase. Etu pora peshi load to napari kena. Light to peshi jai tkahe.
Government pora peshi alak alak kam shuru koreshe. Etu kam khan toh electric department pora public nemete alak alak sytem ola laka ase. Eteya toh Digital meter aheshe. Aro etu pechete smart meter phe aheshe. Sob toh electric ke kenaka korekena pacha po kore ase. Etu department heasb toh smart prepaid meter khan dhale le toh kema electric jola etu laka he dam depo koi ase. Hoi etu phal ase. Hoilephe electric he natakele ke korebo.
Etu pora power department khan ke ke korele phe. Phal pora current to debo lakhe. Aji kali department khan pora electric chor nakore bole peshi phal kam korease. Tai khan pora cable dhal eke na jai ase etu pora toh electric chor korebole napare. Hoilbhe etu cable to sob te toh dhala nai. Etu pora electric chor to roka bole paranai.
Peshi manukhan pora electric bill nete. Hoi etu toh public khan enaka nakore bole lakhe. Hoilebhe electric department khan phe bill to peshi peshi olai ponai kena public ke de. Etu pora kon kolti ase etu jane pole napara hoi jai .
Prepaid payment toh phone pora recharge korepole pare ase. Hoi etu pehsi phal ase. City te taka Bura aro puri manu khan smart phone jolabole napare. Tai khan to dukan te he jai ken a recharhe korebole olai. Ami khan shob smart nahoi toh peshi bura aro puri manu khan nemete te phe sabole lakhe.
Aro prepaid meter laka recharge koratime te kolti hoi le peshi jamala. Ek jun khor te meter asor te takepole lakhe. Aro etu toh khon ekla takhe tai khan nemete peshi dektar ase.
Ami khan jani ase Government pora kam kora toh sob phal nemete kam kore ase. Hoiliphe Government phe manu ase toh etu pora sob toh najane. Amni khan scheme khan pona time te sob manu nemete bapna kore kena pona bolelkahe.
Kotha kople toh peshi ase. Electric department khan pora phal pora light neteya. Aro Public pora electric bill neteya. Bura puri manu khan smart pre paid meter te tok pha.
Etu sob duk aro jamala toh peshi dangor neshe na deke le phe. Ami khan besawas takepole lakhe ke ek din toh Nagaland phe pura din light najaia kena taka laka ekta state hobo. Aro public khan phe dek pora light bill de kena light chor nakorekena Dhaka laka ekta desh hobo le lakhe.
Add Comment