Madrid, 6 January : Young striker Gonzalo Garcia hat-trick mari kene Real Madrid ke La Liga te FC Barcelona logot top position laga race te rakhi dise, jitia tai home te Real Betis ke comfortable 5-1 te haraise.
Kylian Mbappe laga knee injury karone starting eleven te thaka Garcia 20th minute te far-post header pora scoring open korise aru second half shuru te volley marikene lead duita kori dise. Raul Asencio free thaki kene header pora 3-0 kori dise, tai pichete Cucho Hernandez Real Betis karone ekta gol ghuraise. Tar pichete Garcia back-flick pora nijor hat-trick complete korise aru injury time te Fran Garcia fifth mari dise.
Onno side te, Atletico Madrid title race te duita point drop kori dise, jitia tai Real Sociedad logot 1-1 draw khelise. Itu match te Real Sociedad laga notun coach Pellegrino Matarazzo laga debut ase.
Alexander Sorloth 50 minute pichete Atletico ke lead diya, kintu matro panch minute pichete Takefusa Kubo Goncalo Guedes karone set-up kori kene score level kori dise.
Atletico etia table te fourth position te ase, Real Madrid pora 7 point aru Barcelona pora 11 point pichete.
Luis Castro laga notun Levante coach hisab te reign bhal shuru hoise, jitia tai laga team Sevilla uporte away te 3-0 win paise.
Half-time laga thik agote Iker Losada sharp passing exchange pichete Levante ke lead diya. Carlos Espi laga first-ever league gol 13 minute baki thaka time te lead duita kori dise aru stoppage time te Carlos Alvarez win seal kori dise.
Add Comment