New Delhi, 7 January : Union Sports Minister Mansukh Mandaviya announce korise ki Indian Super League (ISL) 14 February pora shuru hobo. Itu announcement pora Indian football te last 6 mahina pora thaka crisis end hoise, jitu karone desh te football pura thami thakise
ISL, juntu aage September mahina te shuru hoi thakise, itu baar 14 ta club sob logote khelibo. Itute Mohun Bagan aru East Bengal bhi thakibo, jiman club sob All India Football Federation (AIFF) laga suggest kora financial model laga birodh korise. Mr Mandaviya government, AIFF aru club representatives sob logote joint meeting pichete itu decision announce korise.
League tu home-and-away basis te khelibo aru total 91 ta match thakibo. Final schedule aru logistics laga kaam club sob aahibo haafta sob te milai fix koribo.
AIFF President Kalyan Chaubey bhi koi dise ki second division I-League bhi almost same time te restart hobo. I-League te total 11 ta club participate koribo aru shortened format te 55 ta match khelibo.
Mr Chaubey aru koi dise ki ekta Governing Council Board set up kora hobo, jitu ISL aru I-League duita league manage koribo aru commercial decisions lobole power thakibo. ISL season tu July mahina pora hold te thakise, jitia AIFF laga commercial partner Football Sports Development Limited (FSDL) Master Rights Agreement laga future loiya uncertainty thaka karone operations suspend korise. Itu agreement tu last saal December te expire hoise aru new partner karone diya tender te bhi eku bid ahianai
Add Comment