Mumbai, 7 January : Bohut din pora anticipation thaka pichete, Vicky Kaushal aru Katrina Kaif finally tai khan laga baby boy laga prothom glimpse share korise aru tai laga naam bhi reveal korise. Actor couple tai khan laga chele ke duniya logote Vihaan Kaushal hisab te introduce korise aru tai ke “ray of light” koi matise.
Vicky aru Katrina Instagram te tai khan laga newborn laga prothom cute photo share korise. Photo te couple laga duita haat te bacha laga chutu haat ke dhori thaka dekha jai, jitu moment tu iman soft aru emotional ase.
Celebrities aru fans sob comment section te bhal pai aru bhal wishes pora bhori dise. Parineeti Chopra likhise, “Little buddy.” Bhumi Pednekar aru Dia Mirza heart emoji diya. Fans bhi iman khushi paise baby ke dekhi aru tai laga naam jani. Ekjon comment te likhise, “Bhagwan laga kripa hamesha apunar upor thakok, little Vihaan.” Aru ekjon likhise, “Uri film te Vicky laga character laga naam bhi Vihaan ase.” Dusor comment sob te likhise, “Bohut sundor naam! Tai hamesha roshni aru khushi anok,” aru “Iman chutu haat—bohut adorable. Bhagwan tai ke duniya laga sob khushi diya.”
Vicky aru Katrina prothom award show ekta te meet korise, comedian Sunil Grover tai khan ke backstage te introduce korise. Event te Vicky stage upor te maja te Katrina ke propose bhi korise. Pichete duijon dating shuru korise aru relationship tu bisi private rakhise, kitia December 9, 2021 te Rajasthan laga Six Senses Fort Barwara te intimate kintu grand wedding te marriage korise.
September 2025 te couple tu Katrina laga pregnancy announce korise, jitu ekta sweet photo logote Vicky tai laga baby bump ke dhori thaka dekha jaise. November 7 te, duijon parenthood embrace korise aru tai khan laga baby boy ke welcome korise. Happy news share kori post te likhise, “Our bundle of joy has arrived. Bohut bhal paowa aru gratitude logote ami amaru baby boy ke welcome kori ase.”
Add Comment