New Delhi, 9 January : Vijay laga Jana Nayagan pisot, Sivakarthikeyan laga Parasakthi film tu bhi censor clearance napai ekta uncertainty te thaki se. Kintu etiya itu problem solve hoi gol, aru Central Board of Film Certification (CBFC) pora film tu UA certificate diya hoise. Etia Parasakthi January 10 te release hobo.
Friday din tu reveal kora hoise ki Sivakarthikeyan laga bohut din pora wait kora historical drama Parasakthi January 10 te release hobar clearance CBFC pora paise. Tamil film tu 1960s laga Madras te set korise, aru Censor Board pora UA certificate dise.
Parasakthi UA certificate pua pisot, Dawn Pictures laga Aakash Bhaskaran X te post kori kora, aru itu film laga babe ekta dangor win koi thakishey kuina likhishey.
Film laga certified runtime hoise 2 ghonta 42 minute 43 second.
Itu ekoi din te ahise jetiya Madras High Court pora Central Board of Film Certification (CBFC) ke direction diya ase Vijay laga highly anticipated film Jana Nayagan ke U/A 16+ certificate dibo aru release babe clear koribo.
January 8 te PTI report hisab te, Thursday evening tak Parasakthi CBFC pora clearance napai thaka ase. Itu time tak CBFC nohoi, production team bhi certification status laga uporte official statement diya nai.
Sudha Kongara pora directed Parasakthi film te Sivakarthikeyan, Jayam Ravi aru Sreeleela acting kori ase. Film tu 1960s te set kora hoise aru social reality aru resistance laga theme explore kori ase. Film tu Dawn Pictures pora produce kora hoise. Sreeleela heroine role te ase aru G V Prakash music score kori ase.
Film te Ravi Mohan aru Atharvaa bhi ase. Eitu laga alawa, film te Daali Dhananjaya, Dev Ramnath, Prithvi Rajan, Guru Somasundaram, Basil Joseph, Papri Ghosh aru Rana Daggubati bhi act kori ase.
Add Comment