January 9, 2026: Nick Kyrgios koi she ki, tai eman fit nai Australian open te singles khele bole, hoi le be tai doubles khele bole ase koi she, tai laga Australian teammate Thanasi Kokkinakis logo te, Melbourne Park te.
Local media khan laga para kohobor pai she ki Nick toh tinta bachea wild-card entries te, ekta baole ase koishe, Tennis Australia para. TA para Friday te announce kure she ki, 2014 laga champion Stan Wawrinka aro Australian laga Jordan Thompson aro Chris O’Connel khan toh pai jai she. 40 sal Wawrinka para etu sal te announce kure she ki etu sal toh tai laga final season hobo.
Kyrgios para Friday te social media te koi she ki, tai toh tournament te doubles khale khele bo, January 18 te shuru hobole laga tournament te. Tai laga hath aro thang te beshe bar surgery kure de she, etu karne tai tin sal te seven single tour matches khale khele bole pare she, etu karne tai laga rank toh 670 te gere she.
Kyrgios kun 2022 Wimbleton te final punchi she, tai koishe ki tai laga ga otoh five set tennis khele bole napare bo, etu karne wild card toh alak manu ke de she koile bhal hobo koishe.
Add Comment