WPL: RCB para Defending Champions Mumbai Indians ke haraise

Mumbai, 10 January : Women’s Premier League Cricket te, Royal Challengers Bengaluru para defending champions Mumbai Indians ke tin wicket te harai dise, Navi Mumbai te kali rati. Batting dibo kuina Mumbai Indians ke pathaise, team para 20 overs te 6 wicket harai 154 run bonaise. Sajeevan Sajana e 45 run marise aru Nicola Carey para 40 run contribute korise. Bengaluru laga Nadine de Klerk para bhal performance dikhaise, tai 4 wicket loina impressive spell dise. Reply te, Royal Challengers Bengaluru e target overtake kori 20 overs te 7 wicket harai 157 run bonaise. Nadine de Klerk para bat te bhi ekdom shine korise, tai 44 ball te unbeaten 63 run marise aru match-winning innings khelise. Women’s Premier League laga chautha season itu duita venue te kheli ase — Navi Mumbai laga Dr DY Patil Sports Academy aru Vadodara laga BCA Stadium te. Navi Mumbai laga leg pichete, tournament tu Vadodara te move hobo, kote baki 11 ta match, playoffs bhi, khelibo.