Sikkim para Ice Hockey Introduce koribo

Sikkim, 10 January : Sikkim para ice hockey ke ekta winter sport hisab te introduce koribo plan kori ase. East Sikkim laga Gnathang Valley te ekta natural ice rink establish koribo preparations cholai ase. Itu facility next winter te operational hobo kuina expect kori ase. Gangtok laga District Collector Tushar G. Nikhare aru Sikkim Mountaineering Association (SMA) laga president Kunzang Gyatso Bhutia, Department of Sports, Government of Sikkim aru Ice Hockey Association of India (IHAI) laga coordination te, Gnathang ke ekta winter sports hub bonabo laga aim loi kaam kori ase. Youth sports development aru winter tourism ke combine kori, Sikkim ke Ladakh aru Himachal Pradesh nisina region laga line te position koribo laga plan ase. 2025 saal laga November laga last haafta te, IHAI laga ekta team — General Secretary Harjinder Singh, ekta Indian coach aru Ladakh laga National Player aru Coach Gulam Mustafa — Gnathang Valley laga high-altitude area te recce koribo ahise. IHAI officials koi dise ki Gnathang itu jagah transport, land aru accommodation hisab te bhal ase aru feasible ase. Ekta main challenge ase ki jagah tu open thaka karone roof laga darkar, jate ice jaldi melt nohobo aru baccha khan besi time kheli thakibo pare. November mahina te hi natural ice form hoi jai ase aru experts khan site ke “very good” kuina describe kori dise. Taikhan e aru koi dise ki Sikkim laga winter conditions te anek dusra Himalayan state laga tulona te besi time khela possible ase. Ladakh laga National player aru coach Gulaam Mustafa, juntu technical team laga part ase, tai koi dise ki Sikkim laga terrain aru climate, Ladakh te ice hockey laga early-stage environment nisina ase. Itu initiative laga pora youth khan ke national-level winter sports te participate koribo opportunity milibo aru local community khan laga karone seasonal economic activity bhi generate hobo kuina expect kori ase.