Ikkis Box Office Collection laga 9 din

New Delhi, January 11, 2026: Ikkis laga Headlined toh Agastya Nanda ase koishe. Taikhan toh bishi bhal Box Office te jai ase koishe. Etu toh Larai kurea laga drama ase. Aru yete Sriram Raghavan para director kurea ase. Aru Maddock Films khan para Produce kurea ase. Yete January 1 din te Premiered kurishe. Yete Film khan Rs 25.5 Crore nishina jama kurishe first week para. 9 Din te. Ikkis khan Rs 85 lakh nishina Ticker Window para paishe koi kina Industry Tracker Sacnik para janai dishe. Yete movie laga sob box office te ahea milai kina Rs 26.35 Crore nishina paishe koishe. January 9 din te laga report hisab te. Ikkis khan toh Hindi Occupancy rate te 11.57 per cent nishina paishe koishe Second Friday din te. Yete phuzur te 6.74 per cent nishina paishe koishe. Aru Sham te toh 10.43 per cent nishina paishe koishe. Sham laga Screenings te 13.36 per cent nishina khara kurishe. Aru rati te toh sobse bishi occupancy thakhishe koishe. Yete 15.74 per cent nishina. Ikkis laga Agastya Nanda laga theatrical te dikhaishe koishe. Etu toh Amitach Bachchan laga grandson ase koishe. Aru tai toh Zoya Akhtar laga 2023 Movie tebi ulaishe koishe The Archies te. Aru etu toh OTT Giant Nerflix te ulaishe. Aru Agastya ekila nahoi kina. Murea laga Dharmendra logote Simar Bhatia Vivaan Shah, Sikandar Kher aru Jaideep Ahlawat bi Ikkis te thakhishe koishe. Aru Ikkis te Dharmendra laga sobse last film thakhishe koishe. Tai toh Ja Saal November moina te murishe koishe. Tai toh 89 saa thakhishe.