Bengaluru Open Final: Martinez para Skatov ke harai kena, title toh jete jai she

Bengaluru, January 11, 2026: Saturday te Pedro Martinez para Kazakhstan laga Timofey Skatov ke 7-6, 6-3 para harai de kena, Dafa News Bengaluru Open ATP Challenger 125 jete jai sha, S.M Krishna Stadium te. World No. 96, Spain laga Martinez toh $33,650 aro dunhe hoi she. Aro 125 points pa toh tai ke World laga ranking te 70 opor kure debo koishe. Etu toh Martinez laga eight ATP Challenger title ase koishe. Utu din laga match te, Skatov toh adventurous thake she, tai ball toh flat he mare thake she. Tai chance pai le be point pabole khotom kure debole laga mare thake nai. Kile koile toh tai laga opponent be beshe bhal thake she, Skatov toh Junior laga World No. 1 thake she, aro tai toh Roger Federer ke idolize kurea. Aro inside-out forehand toh tai laga favourite shote ase. Hoile be Matinez toh tai ke bhal khele she, tai laga top spin aro court coverage toh impressive thake she. Tai laga idol toh David Ferrer ase koishe.