New Delhi, 12 January : Sudha Kongara directed Parasakthi, jitu te Sivakarthikeyan, Sreeleela, Ravi Mohan aru Atharvaa lead roles te ase, Saturday theatres te release hoise. Film tu last minute te CBFC pora clearance pise pichete release kora hoise. Film positive reviews paisey aru box office te bhi bhal performance dise, kintu Amaran aru Madharaasi ke beat koribo para nai.
Makers Dawn Pictures, taikhan laga official X account te latest update diya hisab te, Parasakthi globally ₹50 crore mark cross kori dise. Film laga total collection ₹51 crore hoise buli taikhan koise. Caption te likha thakisey, “Pathbreaking through the numbers, worldwide – 51 crores for #Parasakthi at the box office.”
India te opening day te film ₹12.5 crore mint kori dise. Duita din pichete, India laga nett collection ₹26.90 crore pohonchise. Makers hisab te, opening day te worldwide collection ₹27 crore hoisey, aru second day te film ₹24 crore collect kori dise.
Parasakthi ekta historical political drama ase, Sudha Kongara directed aru Dawn Pictures laga Aakash Bhaskaran produce kora. Film tu actor aru Tamil Nadu laga deputy chief minister Udhayanidhi Stalin laga Red Giant Movies distribute kori ase. Film te Dev Ramnath, Prithvi Rajan, Guru Somasundaram, Basil Joseph aru Papri Ghosh bhi kaam kori ase.
1960s laga Madras te set kora itu film duita bhai laga story follow kore, jikhon Tamil Nadu te anti-Hindi imposition agitation te hissa loi ase. CBFC, certification dibo aage, Parasakthi laga makers ke 25 ta cuts aru modifications koribo koisey. Film tu initially Vijay laga Jana Nayagan logote clash koribo thaka, kintu Jana Nayagan CBFC clearance napai indefinite postpone hoja karone itu clash nohoi.
Add Comment