New Delhi, 13 January : Duita bar Olympic medalist PV Sindhu India laga challenge lead koribo itu competition te. world ranking te 18 number te thaka Sindhu, ekta tough 2025 season aru bisi din injury te thaka pichete wapas ahise. Tai recently Malaysia Open te semi-final tak pohonchise aru etiya home ground te itu form build koribo mon ase. Malvika Bansod aru young shuttler Tanvi Sharma bhi women’s singles te India ke represent koribo.
Women’s doubles te, Treesa Jolly aru Gayatri Gopichand India laga challenge lead koribo, juntu te strong home presence ase.
Men’s singles te, Lakshya Sen aru Ayush Shetty opening round te eke logote khelibo, mane duita modhye ekta matro aage jaibo. Former world championship medallist Kidambi Srikanth aru HS Prannoy bhi draw te ase.
Men’s doubles te, world number three pair Satwiksairaj Rankireddy aru Chirag Shetty 2022 te juntu title jitise, itu wapas reclaim koribo target loi ahise. MR Arjun aru Hariharan Amsakarunan bhi action te thakibo.
Mixed doubles te, Paris 2024 Olympians Tanisha Crasto aru Dhruv Kapila India laga top pairing hobo itu tournament te.
August mahina te eke venue te BWF World Championships bhi hobo, India Open players ke playing conditions logote familiar hobole ekta bhal mauka dibo. Super 750 event, juntu 2026 BWF World Tour laga second tournament, itu te duniya laga bisi top players bhi participate koribo.
Add Comment