California, 13 January : Paramount Skydance Monday te Warner Bros Discovery ke sue korise, Netflix logote thaka $82.7 billion laga rival deal laga bisi details pabole, juntu pora Hollywood laga ekta historic studio control loi thaka fight aru bisi intense hoise.
David Ellison laga leadership te thaka company bhi koi dise ki taihat Warner Bros laga board te directors nominate koribo plan ase. Itu step investors ke convince koribo nimite ekta bisi aggressive move, juntu pora $108.7 billion all-cash bid, Netflix laga cash-and-stock deal pora better ase koi thakishey.
Paramount aru Netflix, Warner Bros — taihat laga valuable film aru television studios aru bisi dangor content library (juntu modhye Harry Potter aru DC Comics universe ase) nimite gorom competition te ase. Warner Bros last haafta te Paramount laga latest offer reject korise aru shareholders ke Netflix deal favour te vote koribo advice dise.
Shareholders logote ekta letter te, Paramount koi dise ki taihat Warner Bros laga bylaws amend koribo propose koribo, juntu te media giant laga cable TV business separate koribo nimite shareholder approval mandatory hobo lagibo — juntu Netflix deal nimite bisi important ase.
Paramount laga argument ase ki taihat laga $30 per share all-cash offer, pura Warner Bros nimite, Netflix laga $27.75 per share cash-and-stock offer pora clearly better ase aru regulatory hurdles bhi easily clear koribo paribo.
Paramount Delaware Court of Chancery te lawsuit file korise, juntu pora Warner Bros board pora Netflix merger support kora laga financial analysis disclose koribo force koribo bisari ase.
Add Comment