California, 14 January : SoFi Stadium tu shuru te NFL laga ekta chamka new palace hisab te bonai dise, kintu ahibo laga tin saal te itu ekta global sports stage hoi jabo – ekta venue juntu World Cup laga spotlight pora Super Bowl host aru Olympics laga dangor spectacle aru swimming venue te change hoi jabo.
Billionaire real estate magnate Stan Kroenke itu $5 billion stadium laga main driving force ase, juntu Inglewood te bonai dise. Stadium tu 2020 te open hoise aru NFL laga Rams te ghar ase – Rams tu Kroenke nijor ownership te ase – aru Los Angeles Chargers bhi.
SoFi age pora he dangor events host kori dise, jiman 2022 laga Super Bowl aru 2023 te Taylor Swift laga Eras Tour laga six ta sold-out nights. Officials koi dise ki itu stadium laga footprint te ambition age pora he thaka dise.
Lagbhag 3.1 million square feet area loi, SoFi NFL laga sobse dangor stadium ase. Demoff koi dise ki itu scale tu jaan-bujhi bonua hoise – khali Sundays te dekhabo nimite nohoi, kintu sports calendar jiman demand kore, tetia tetia nijoke change kori bole nimite.
Itu flexibility tu etiya sequence te pura test hobo jai ase. Itu garmi te, SoFi Stadium te World Cup laga eight match host hobo ase, jiman US laga opener aru ekta quarter-final bhi thakibo.
World Cup nimite, NFL laga artificial turf aru American football laga sightlines loi bonua stadium tu FIFA-size football field te grass logai change koribo lagibo.
Field tour time te, Otto Benedict – senior vice president of facility operations – koi dise ki SoFi te pre-built demountable sections pora lagbhag 400 seats ulai dibo aru playing surface tu lagbhag 30 inches uthaibo. Itu substructure pora airflow create koribo, juntu pitch laga niche pora hawa chola-choli koribo.
Stadium te cool-season hybrid grass install koribo, juntu Washington state te grow kori refrigerated trucks pora anibo. World Cup matches nimite, itu venue te translucent roof laga niche lagbhag 74,000 fans bohi sabo.
Add Comment