New York, 14 January : Matthew McConaughey unauthorized artificial-intelligence fakes ke rokibo nimite ekta naya legal approach loi ase – nijoke he trademark kori kene.
Last kuch mahina te, “Interstellar” aru “Magic Mike” laga actor laga eight ta trademark applications US Patent and Trademark Office pora approve hoise, juntu te tai nijor chobi, hasa aru kotha kua moment thaki ase. Tai laga lawyers koi ase ki eitu trademarks AI apps aru users ke McConaughey laga voice ba likeness bina permission simulate koribo pora rokibo nimite bonua hoise – juntu aji-kali performers nimite ekta dangor concern hoi jai ase.
Trademarks majot ekta seven-second clip ase, juntu te Oscar-winner ekta porch te thaki ase, aru ekta three-second clip juntu te tai Christmas tree age bohi ase. Itu logote tai laga awaaz bhi ase, juntu te tai nijor famous dialogue “Alright, alright, alright” koi ase – 1993 laga movie Dazed and Confused pora – buli approved applications te mention kora hoise.
McConaughey laga lawyers koi ase ki tai laga likeness AI pora manipulate hua kuina etiya tak kono case najani, kintu taihote hope kori ase ki eitu trademarks unauthorized duplication sob ke khilaf broadly use koribo paribo.
Bohut actors aru singers etiya AI pora bonua fake videos, audio aru images laga problem face kori ase, jiman Tom Hanks aru Taylor Swift bhi ase.
State rights of publicity laws already actors ke protect kore, jate taihotor image ba likeness chori kori products becha na pare. McConaughey laga lawyers mane kore ki federal court te lawsuit laga threat pora misuse ke besi broadly deter koribo paribo, jodi bhi AI video directly eku product sell nakele.
Lawyers koi ase ki etiya tak kunu aru actor nijor upor eneka broad trademarks secure kora nai, specially AI laga age te. Taihote bhi acknowledge kore ki jodi kono defendant McConaughey laga trademark claim ke challenge kore, tetia result uncertain hoi jabo.
McConaughey recently AI voice company ElevenLabs logot partnership announce korise, jate tai laga newsletter “Lyrics of Livin’” laga Spanish version bonabo. McConaughey ElevenLabs te investor ase, aru Yorn bhi investor ase venture-capital firm BroadLight Capital pora, juntu te tai partner hisab te thaki ase.
US law individual aru companies ke nijor logot closely associated images uporte trademark claim koribo allow kore, jodi bhi USPTO te file kora nathakile. Kintu besi log approval loi, jate law taihotor side te thake buli ensure koribo.
Kunu performers nijor catchphrases uporte bhi trademark secure kori loise, jiman singer Lizzo laga “100% That Bitch”.
Mark McKenna, University of California, Los Angeles laga law school laga professor aru intellectual property study kora manu, koi ase ki existing US law te registration nathakile bhi trademarks aru state right of publicity laws most commercial uses ke against protection diye. Kintu internet video platforms te, jate AI-generated creative work ads pora monetize hoi, law tu besi clear nohoi.
McConaughey aru tai laga attorneys hope kori ase ki future te federal law eitu issue ke clear koribo aru eneka trademarks unnecessary bonai dibo. Hollywood unions aru companies already legislation support kori ase juntu AI-generated replicas bina permission bonua forbid koribo. 2024 te Congress te ekta bill introduce kora hoise, kintu etiya tak House ba Senate te vote hua nai.
Add Comment