Chhattisgarh, January 15, 2026: 52 Maoists surrender kure she, police laga hath te, Chhattisgarh laga Bijapur district te, Thursday te. Aro 49 neshe na khan laga bounty melai she koi le toh Rs 1.41 crore olai koishe. (bounty laga matlab: manu kun tai khan ke dure bo poisa pabo)
Etu betor manu surrender kurea laga betor te, 21 toh maiki ase koi she, tai khan toh Dandakaranya Special Zonal Committee (DKSZC), Andhra-Odisha Border division aro Bhamragarh area committee (Maharashtra) of Maoists te active thake she koi she
Bijapur Superintendent of Police Jitendra Kumar Yadav para koi she ki, tai khan toh senior police aro Central Reserve Police Force (CRPF) officials khan laga hath te surrender kure she.
Lakkhu Karam, alias Anil (32), divisional committee member, aro platoon party committee members Laxmi Madvi (28) and Chinni Sodhi, alias Shanti (28), tai khan laga matha opor te Rs 8 lakh thake she.
13 manu neshe na toh Rs 5 lakh laga bounty thake she, aro 19 neshe na toh Rs 2 lakh laga bounty thake she, aro 14 manu toh Rs 1 lakh laga bounty thake she.
Aro sob surrender kurea Maoists khan ke Rs 50,000 de bole ase, aro rehabilitate kure bo, government laga policy hesab para.
Add Comment