New Delhi, 16 January : Kareena Kapoor itu 2016 saal laga throwback photos laga ekta carousel post kori social media te pura nostalgia feeling anai dise. Tai itu post te “The Year of the Bump” koi thakishey, aru itu time te tai laga zindagi laga ekta bisi yaadgar phase ke wapas yaad kori dise — jetia tai itu laga prothom bacha, Taimur Ali Khan ke expect kori thakise. Itu post khan fans khan karone ekta boro revelation hoi jai, juntu te Kareena laga pregnancy din khan laga glamorous aru bisi personal moment khan dikha dise.
Carousel laga prothom photo te Kareena ekta animal-print monokini pindhi thaka strong photo diya ase, juntu maternity fashion ke next level te loi jai dise. Tar pisot tai laga 2016 Vogue India cover ase, juntu te tai ekta white shirt aru leather skirt pindhi dumbbells dhori pose kori ase. Tai itu photo te caption diya ase ki itu time te tai three-and-a-half mahina pregnant thakise. Ekta aru candid photo te Kareena Karan Johar aru ekjon friend logote pose kori ase, aru maja kori caption diya ase — “jetia ami najanisilu moi pregnant ase.”
Itu carousel te family laga warm moment khan bhi ase. Ekta set photo te Kareena, tai laga sister Karisma Kapoor, Malaika Arora, Amrita Arora, Salman Khan aru Saif Ali Khan logote ase. Itu photo khan ke caption diya ase — “Tim janma hobole 48 ghonta age.” Ekta aru image te Saif ke sweet bhabe “bump ke guard kori thaka” dikha jai. Ekta heartfelt frame te Kareena, Karisma laga bacha Samaira Kapur aru Kiaan Raj Kapur (late Sunjay Kapur laga bacha), aru Saif laga prothom marriage te Amrita Singh laga bacha — Sara Ali Khan aru Ibrahim Ali Khan logote thaka dikha jai.
Fans aru industry laga friend khan comment section te bisi praise diya ase. Amrita Arora itu ke “best times” koi dise. Actor-content creator Kusha Kapila koi dise Kareena “trend jiti loise.” Actor Anjali Anand likhi dise, “bakhi sob ghore jai paribo.” Fans khan bhi throwback photos ke bisi bhal paise — ekjon comment kori dise, “Bebo laga 2016 dump moi karone perfect,” aru ekjon aru koi dise, “bestest person laga best photos.”
2016 saal Kareena karone bisi special thakise. Taimur ke welcome korar pisot, tai 2018 te Veere Di Wedding film logote strong comeback kori dise. Itu female-led ensemble film te women, friendship aru sexuality laga stereotypes ke challenge kori dise. Film te Sonam Kapoor, Swara Bhaskar aru Sikha Talsania bhi star kori ase, aru itu worldwide box office te lagbhag ₹138 crore kamaise.
Aage jaikaam hisab te, Kareena Meghna Gulzar laga crime thriller Daayra te nazar ahibo, juntu te Prithviraj Sukumaran bhi star kori ase. Film tu 2026 te release hobo lage koi thakishey, kintu makers etia tak final date announce kora nai.
Add Comment