Mizoram groups khan PM ke koi she, Indo-Myanmar border fencing toh rokhabole

Aizawl, January 18, 2026: Mizoram laga civil society organisations khan para Prime Minister Narendra Modi ke review kure bole, Centre laga proposal kute Indo-Myanmar border te fencing hale de bole. Tai khan war kure she ki, enia banai she koi le toh social, culture aro economic life toh bea kure de bo indigenous community khan karne, kun border osor khan te thakea. Joint memorandum kunto toh Governor Vijay Kumar Singh, Mizo Zirlai Pawl (MZP) aro Zo Reunification Organisation (ZORO) through para pathai she, etu te koi she ki fencing toh physical aro psychological distress de bo ethnic communities khan ke kun, border [para te be manu khan logo te melea, aro khota, culture aro family khan eke ase. Memorandum te be koi she ki, border te buhea manu khan beshe toh chutu dukan, khete aro border aha ja para he pet palea ase. Aro fencing banai de she koi le toh family, community khan be beshe duk pa bole ase. Tai khan be acknowledge kure she ki Center toh border laga security otha bole karne kam kurea ase, hoi le be tai khan appeal kure she alak rasta pai le toh, kunto tateh buhea khan ke duk pabole nade bo. Mizoram toh 510 Km border ase Myanmar laga Chin state logo te. Indo-Myanmar border toh 1,643 km lamaba ase, aro India laga charta State ke choi. Mizoram, Manipur, Nagaland aro Arunachal Pradesh ke.