PM Modi shuru kure she, dua din Assam ahe bole laga

Guwahati, January 18, 2026: Prime Minister Narendra Modi toh, Saturday te tai laga dua din Assam te buhea bole laga shuru kure she. Lokpriya Gopinath Bordoloi Internation Airport para shuru kure kena Azara tuk grand rasta show thake she, kute manu beshe ahe she aro cultural khan de khai she rasta kan te. Etu show toh 4 km neshe na lamba thake she, National Highway- 17 te, manu khan wave aro cheer kure thake she rasta laga side para, Prime Minister ja homoi te. Modi ke Guwahati Airport para othai she, Assam Governor Laxman Prasad Acharya, Chief Minister Dr Himanta Biswa Sarma aro senior officials khan para. State BJP president aro Lok Sabha MP Dilip Saikia aro party laga leaders khan be thake she, rasta laga show te. Prime Minister Modi toh Bodo folk dance sabo le ase, kunto title ‘Bagurumba Dwhou 2026’ de she, aro etu dance toh Arjun Bhogeswar Barua Sports complex te thake bole ase, aro 1000 manu neshe na dance kure bole ase. Sunday te Modi toh Kaliabor te jabo le ase, tai tateh Rs 6,957 crore Kaziranga Elevated Corridor laga foundation pathor hale bole ase, etu project toh traffic jam khan bhal kure bole karne ase, aro janwar khan ke bacha bole karne ase koi she, Kaziranga National Park te.