Rabat, 19 January : Nigeria CAF Africa Cup of Nations te third place secure kori loise, juntu match te Saturday din Casablanca laga Mohammed V Stadium te Egypt logot penalty shootout te 4-2 score te jitise.
Regular time te match itu goal nathaka draw thakise, itu pichete sidha penalties te jaise. Nigeria laga goalkeeper Stanley Nwabali Egyptian stars Mohamed Salah aru Omar Marmoush laga duita penalty save kori dise, tar pichete Ademola Lookman winning kick convert kori Super Eagles ke jitai dise.
Nigeria itu match te ahise semifinal te Morocco logot penalties te haria pichete, aru Egypt Senegal logot 1-0 score te harise. Itu jit tu Nigeria laga AFCON third-place matches te perfect record maintain kori rakhe — agey te seven playoff game jitise.
Lookman score koria agey, Fisayo Dele-Bashiru Eagles laga first kick miss kori dise. Itu pichete Akor Adams, captain Moses Simon aru Alex Iwobi sob score kori dise. Premier League players Mohamed Salah aru Omar Marmoush laga duita kick Stanley Nwabali save kori dise, kintu Ramy Rabia aru Mahmoud Saber score kori dise.
AFCON laga final itu Sunday din Rabat laga Prince Moulay Abdellah Stadium te host Morocco aru Senegal majot khela hobo.
Add Comment