Indonesia, 21 January : Indonesia Masters Badminton te, India laga top shuttlers P.V. Sindhu, Malvika Bansod aru Tanvi Sharma aji Istora Senayan te main draw laga first round pora taikhan laga campaign shuru kori bole set ase.
Kali din aage, Indian shuttlers Anmol Kharb aru Aakarshi Kashyap qualifying rounds te impressive jeet paikene women’s singles main draw te jagah book kori loise. Anmol tai laga giant-killing run continue kori kene Canada laga World No. 45 Wen Yu Zhang ke ekta khub thrilling tin-game match te 21-18, 20-22, 21-19 pora harai dise.
Meanwhile, 24 saal laga Aakarshi Kashyap fellow Indian Isharani Baruah ke straight games te solid performance dekhaikene 21-13, 21-17 pora defeat kori dise. Eitu duita player etiya P.V. Sindhu, Malvika Bansod aru Tanvi Sharma logote aji main draw laga first round te khelibo.
Men’s doubles te, MR Arjun aru Hariharan Amsakarunan opening day te khelibo laga only Indian pair asil. Duo tai khan Indonesia laga Devin Artha Wahyudi aru Ali Faathir Rayhan ke round of 32 clash te easily 21-19, 21-13 pora harai dise. Women’s doubles te, Rashmi Ganesh aru Sania Sikkandar top-seeded Chinese pair Keng Shu Liang aru Li Hua Zhou logote match te 21-23, 10-21 pora haar khabo lagise.
Add Comment