Imphal, January 23, 2026: Manipur Police khan para 600 grams laga Heroin aru Brown Sugar durishe koishe. Etu toh January 19 aru 21 din tak mili kina operation kurishe koishe. Aru yete taikhan para 7 manu nishina ke arrest kurishe koishe.
Tuesday din te. Officers khan para duita Chandel District te thakhea laga ke. Kakching District laga Pallel Makha Leikai Pathabi para durishe koishe. Tai toh Veronica Moyon (28) toh Thangkin Bosti aru Chihanring Shinglai (32) toh Thotchanram Bosti para ase koishe. Tai duijun laga haat para 25 sabun daba paishe. Yete 299 grams nishina Heroin No.4 Powder thakhishe. Police khan para bike aru duita mobile phone paishe. Eki din laga alak operation te. Security Forces khan para Avio S ke Senapati District laga National Highway 2 para durishe. Tai laga haat para 20 sabun daba laga Brown Sugar aru Documents paishe.
January 19 din tebi. Security Forces khan para Letkhothang Haokip (30) aru Robert Lunminthang Haokip (20) ke Chandel District laga Mombi ara durishe. Officers khan para 22 sabun daba durishe. Yete 300 Grams laga Brown Sugar, Poisa Rs 2,800, duita mobile phone te 3da Sim card, duita Debit card aru Kenbo Motorbike durishe. Aru January 20 din te. Authorities khan para Khomdram Bikramjit Singh (29) aru Shagolshem Sanjoy Singh (33) ke durishe koishe. Etu toh Kakching District laga Sekmaijing Bridge para durishe koishe. Officials khan para 112 packets laga Royal Chewing Tobacco aru 98 Packets laga Dilbag Talap Pan Masal paishe koishe.
Add Comment