January 23, 2026: Bangladesh khan T20 world Cup tph India te nakhe le bo koi she, country laga youth and sports adviser Asif Nazrul para enia koi she. Mr. Nazrul para press conference khan ke koi she ki, International Cricket Council (ICC) khan justice dea nahoi, Bangladesh laga league match khan Sri Lanka te shift nakurea karne, Bangladesh Cricket Board (BCB) khan para request kurea piche te be.
BCB president Aminul Islam para koi she ki, board khan etia be expect kurea ase match khan toh Sri Lanka te khele bole, aro tai khan fight kure thake bo koi she.
Bangladesh khan charta match khele bole ase India te. Country khan security laga sawol ola shuru hoi she, Mustafizur Rahman ke Indian Premier League para olai dea piche, BCCI laga khota para. Wednesday te ICC khan para BCB khan laga request toh reject kure she, tai khan laga match Sri Lanka te khele bole karne.
Add Comment