Australian Open 2026: Novak Djokovic toh quarterfinals punche she, Mensik olai ja piche

January 25, 2026: Novak Djokovic toh Australian Open laga quarterfinals te punche jai she, tai laga fourth round te, tai Jakub Mensik logo te khele bole thake she, hoile be Mensik toh match toh khele bole napare bo koi she, tai laga pet be kha karne. Tai jun hosa toh Monday te khele bole thake she Melbourne Park te. Mensik para koi she ki tai Novak logo te khele bole napare bo toh beshe duk laga khota ase koi she. Czech laga 16^th seed Mensik toh olop para hare nai, America laga Ethan Quinn logo khele homoi, tai jun laga points toh 6-2, 7-6, 7-6 thake she Saturday laga match te. Mensik koi she ki tai jokhom ekta bukhe kena ahea ase, etu karne tai laga idol Djokovic logo te khele bole napa re bo koi she. Djokovic toh dos bar Australian Champion hoi she. Aha match te Djokovic toh America laga Taylor Fritz nahoi le Italy laga Lorenzo Musetti logo te khele bo, aro semi finals te beshe chance ase tai defending champion Jannik Sinner logo te khele bole.