ICC T20 World Cup 2026: Pakistan para Haris Rauf ke gerea de she squad para

January 25, 2026: Pakistan khan para tai khan laga pacer Haris Rauf ke olai de she, tai khan laga squad para, aha T20 World Cup laga match karne, kunto India aro Sri Lanka mele kena host kurea ase. Big Bash League te Haris para 20 wickets de she, Australia te, hoi le be selector Aaqib Javed para koi she Rauf toh combination te name lea. Javed para koi she ki, Rauf toh beshe para Pakistan karne cricket khele she, hoi le be Sri Lanka laga conditions babe kena tai khan squad toh select kure she koi she. Rauf toh tai Pakistan karne sob se beshe wicket loi she T20I cricket te, 94 match te tai 133 wicket loi she. Aha match khan te Salman Agha para squad toh lead kure bole ase. Pakistan toh tai khan laga sob match toh Sri Lanka te khele bole ase koi she, aro India te naja bo ja sal laga political jamala karne. Pakistan toh group A te ase, India, Namibia, Netherland aro United Sates khan logo te. Pakistan toh Netherlands khan logo te khele bole ase February 7 te.