Melbourne, 27 January : Carlos Alcaraz Tuesday din Australian Open laga semi-final te pehli bar pouchi jaise, aru local favourite Alex de Minaur ke 7-5, 6-2, 6-1 score te dominant jeet loi harai dise. Melbourne Park te itu jeet laga pora Alcaraz laga career Grand Slam hope itia jinda ase.
22 saal laga Spanish player tu Rod Laver Arena te showy game chari diya, efficiency upar focus kori khelise, aru sixth seed De Minaur laga sapna khatam kori dise. De Minaur itu tournament te pichla 50 saal pora Australian men’s champion ahianai, itu record bhangibo bisari thaka, kintu Alcaraz laga against te successful hoanai.
Six-times major champion Alcaraz, jun sobse kom umor te sob chaar Grand Slam title jita manuh hobole bisari ase, match tu easy jita jabo koi lagise. Kintu De Minaur taike challenge dise.
Alcaraz first set te early break loi 3-0 lead loi dise. Kintu fifth game te, jetiya taikhan laga reworked serve test hoise, De Minaur 3 break point ulai dise. Australian player tu pressure laga modde fight kori, long rallies khela aru break back kori score equal kori dise. Ninth game te aru ekta break recover kori, next game hold kori crowd ke khub khushi dise. Kintu kisu loose point laga karone Alcaraz first set tu just edge kori loi dise.
Second set te Alcaraz aru first set nisina hi strong start kori dise. Top seed tu itu bar advantage haath pora chari dibo mon ase. Taikhan duita powerful backhand crosscourt winner mari 5-2 te aage jai match upar control loi dise.
Third set te De Minaur early serve surrender kori dise aru Alcaraz pichete ghurai dise. Spanish star tu smoothly match finish kori, aru next round te third seed Alexander Zverev laga khilaf clash fix hoi jaise. Itu 2024 quarter-final laga rematch ase, juntu time te German player Zverev jitise.
Add Comment