Madrid, 27 January : Spanish Football Federation (RFEF) laga President Rafael Louzan koi dise ki 2030 World Cup laga final Spain te hobo, jun tournament tu Spain, Portugal aru Morocco milikena co-host kori ase.
Morocco bisari ase final match tu Casablanca te khelabo, Grand Stade Hassan II te. Itu ekta dangor stadium ase, juntu city laga north side te etiya under construction te ase. Kintu world football laga ruling body FIFA hi final faisla lobo ki match kot khelibo.
Louzan itu clear kori koi diya nai ki final tu Madrid laga Santiago Bernabeu te hobo naki Barcelona laga Camp Nou te. Duita stadium hi recent te renovate kora hoise aru etiya main contenders hisab te ase.
Morocco te Hassan II Stadium complete hoile, itu te around 1,15,000 spectator dhoribo para jabo koi expectation ase. Morocco Royal Football Federation (FRMF) laga President Faouzi Lekjaa last saal express kori dise ki taikhan Spain laga khilaf Casablanca te final sabole bisare.
Traditional Moroccan tent nisina design kora itu stadium laga construction pichla saal end te shuru hoise aru approx duita aru aadha saal lagibo koi Betancor koi dise. Stadium tu high-speed train line pora connect thakibo, jun tu Morocco laga rail network laga $10 billion expansion project laga part ase, World Cup laga aage.
Louzan aru mention kori dise ki Morocco pichla Africa Cup of Nations host kora time te kisu challenge face korise. Itu modde etiya mahina Senegal aru Morocco laga final te chaotic scene dekha paise.
Itu match tu Senegal 1-0 te jitise, kintu fan disruption aru player protest laga karone game tu kisu time stop kori dibo lagise.
FIFA aru Portugal aru Morocco laga football federation khan etiya tak final laga venue bisare comment dibo request te respond kora nai.
FIFA Reuters ke last saal koi dise ki 2030 final laga venue decide kora etiya premature ase, aru example hisab te koi dise ki 2026 World Cup final laga host city tournament laga matro duita saal aage announce kora hoise.
Add Comment