Milan, 28 January : Karen aru Mark Chanloung Italian Alps te dangor hoise, jate winter sports tu daily life laga part ase aru bacha-bachi khura khura thakibo shuru korar logotey skis te uthai dise.
Kintu Milano Cortina 2026 Winter Olympics te, duita bhai-bon Thailand represent koribo, jun ekta tropical desh ase jate winter sports laga tradition khub kom ase, kintu ambition dhire-dhire dangor hoi ase.
Cross-country skiing kora itu siblings duita, ekta Italian mahila ma aru ekta Thai baba pora jonmo hoise aru Italy laga Aosta Valley te Gressoney-La-Trinité te dangor hoise.
Tainikhan already Thailand karone duita Winter Olympics te represent kori dise — 2018 te PyeongChang aru 2022 te Beijing te — aru etiya lagatar third time koribo lage ase, juntu pora tainikhan laga journey pura circle loi ahise, Italy te hee ghuraise
Cross-country events khan Tesero, Val di Fiemme te hobo, jun ekta venue ase juntu Karen junior days pora bhalke chini ase.
Shuru te Italy laga khub competitive regional system te training loi, duita bhai-bon hee agey Italy laga team karone race korise, kintu 2016 te allegiance change kori Thailand laga hoise. Itu decision pora tainikhan almost scratch pora ekta national federation bonabole help kori dise.
Itu move tou unusual ase — practical hisab te aru emotional hisab te duita phale pora.
Tai khan laga baba Boonchan Chanloung team manager aru technical leader hisab te kaam kori ase, aru tainikhan laga ma Maria Vittoria Comune, jun ekjon physiotherapist, major competitions time te support kori ahi ase.
30 saal laga Mark, besi endurance events te compete koribo expectation ase, aru Karen mahila laga 10 km event te focus koribo. Duita bhai-bon hee February 6 dinte opening ceremony te Thailand laga flag carry koribo buli bhi expect korise, chutu competitor group laga behalf te.
Add Comment