January 29, 2026: India laga navy khan sob se bhal matching contingent award toh jete she, armed forces khan laga tinta wing betor te, etu sal laga Republic Day Parade te. Maharashtra be top prize jete she, State aro Union Territories laga category te, tai khan laga tableau te Ganeshotsav de kha karne. Aro culture ministry laga tableau toh ‘Vande mataram’ laga 150 sal legacy manai de khai she, tai khan ministries aro departments laga vategory te jete she.
Navy khan laga marching contingent te 144 personnel thake she, tai khan Kartavya Path te march kure she, tai khan laga kara maritime force de kha bole. Tinta services khan laga betor, Navy khan sob se bhal marching contingent toh jete she. Aro Delhi Police laga contingent toh sob se bhal marching contingent jete she Central Armed Police Forces (CAPFs) khan laga betor te.
State aro Union territories tableau laga category te, Jammu and Kashmir toh second pai she, aro tai khan laga piche te Kerala thake she, kun third pai she. Popular Choice category te toh manu kkhan para online para vote kure she, aro India laga manu khan para Assam Regiment ke choose kure she, sob se bhal marching contingent karne, tinta service laga betor te. Aro CRPF khan sob se bhal marching contingent award toh jete she, CAPFs khan laga betor te.
Add Comment