Melbourne, January 30, 2026: Friday te Carlos Alcaraz para Alexander Zverev ke harai de she, tai jun laga semi final match te, etu macth te tai jun pasta set khlele she. Carlos toh etia toh final te punche jai she, etu tai laga first time ase Australian Open laga final te punche bole. Etu final jete she koile toh tai sob se jawan hobo, kun Grand Slam laga career khotom kure bole.
Carlos toh etia world number 1 ase, tai German laga third seed Alexander ke 6-4, 7-6, 6-7, 6-7, 7-5 te para harai de she, tai jun 5 hour 27 mins karne khele she. Carlos final laga match te Jannik Sinner nahoile Novak Djokovic logo te khele bole ase Sunday te.
Carlos olop para hare nai, etu match te, third set tai cramp bekhai kena de khe bole pare she. Tai ke treatment pabo le de time de she, Zverev toh beshe gusa hoi jai she, aro officials khan ke gusa lage kena koi thake she ki, cramps khale karne toh medical timeout napai koi kena. Etu cramp karne Carlos toh Third set toh hare she, aro fourth set be. Hoile be tai sob mun de kena last set te German ke harai de she.
Carlos toh 22 sal ase, tai duata French Opens jete she, duata US Opens aro dua bar Wimbledon jete she. Hoile be tai etia tuk Melbourne Park te jete bole pare nai etia tuk. Tai Sunday laga title match jete she koile toh, tai sob se jawan player hobo kun sob dangor charta title jetea toh.
Add Comment