Minneapolis, January 31, 2026: Friday te, thousand manu neshe na Minneapolis te protest kure she, President Donald Trump laga immigration laga crackdown opor te. Manu khan march kure she, sign khan dure kena, tai khan Immigration and Customs Enforcement laga opor te prostes kurea ase, etu agency para Trump laga deportation drive toh lead kurea ase.
Minneapolis toh epicenter ase etu immigration policy laga opor te gusa ho toh, duata protest kurea manu, kun US manu he ase, tai jun ke gule mare kena morai de she federal agents khan para etu moina te, etu karne manu khan gusa hoi kena protest khan kurea ase ICE laga opor te.
Sushma Santhana kun protest te thake she, tai para koi she ki, Federal Government toh manu khan ke enia terrorize naku re bole lagea. Aro ekta 24 sal Max Maffor para koi she ki, tai protest kurea ase democracy aro liberties khan karne. Los Angeles te be rallies khan ja ase koi she, kute jasal immigration raid karne manu khan protest kure she, tai khan City Hall laga bahar te signs khan dure thake she.
January 30, Trump laga administration para former CNN anchor Don Lemon aro eight manu ke charge kure she, civil rights violation laga opor te. Tai aro kumba reporters khan church laga bahar te protest ja cover kurea karne, utu laga pastor toh ekta ICE laga official ase koi she. Etu karne manu khan church laga bahar te protes kure thake she.
Add Comment