February 5, 2026: Gaza laga health officials khan para koi she Israel khan Wednesday te hamla kurea toh 23 manu mure she, aro Israel khan laga military para koi she Hamas khan para gule mare kena tai khan laga officer jokhom kure dea karne, tai khan hamla kure she koi she.
U.S.-brokered truce toh moina hoi ja piche te be, Gaza strip te etia behamla khan ho ase, Israel aro Hamas ekjun ekjun ke enzam halea ase, ki tai khan para agreement toh bhanagi de she. Etu hamla toh olop din piche hoi she, Israel para Rafah crossing kholai dea piche te. Etu crossing toh Gaza para Egypt jabole karne ase.
Gaza laga health Ministry para koi she ki, 21 manu mure she, etu te tinta toh bacha thake she, aro 38 manu neshe na toh jokhom pai she koi she. Israel laga army para koi she ki, tai khan Hamas laga platoon commander Bilal Abu Assi ke hamla kurea ase, tai para October 7, 2023 te ekta kibbutz te hamla kure she, etu hamla karne Gaza war toh shuru hoi she.
Add Comment