February 5, 2026: Bill Gates para koi she ki, tai sob minute Jeffrey Epstein ke melea toh regret kurea. Tai laga former maiki Melinda para koi she, Bill Gates etia be beshe sawal laga jawab de bole lagea ase tai jun laga relationship opor te.
Ja hafta te U.S. Justice Department khan para latest documents khan release kurea khan te, manu dangor manu khan Epstein logo te email kurea khan thake she, aro utu email khan te bea tareka laga puisa deal aro private photo khan be thake she.
Documents khan laga betor te ekta draft email te pai she ki, Epstein para koi she ki Mr. Gates toh sadi hoile be alak maiki khan logo te mele thake she, aro Bill ke modok kure kena bea dawai khan be besare dea laga.
Mr. Gates kun ekta billionaire ase, tai para 9News Australia logo ekta interview te koi she ki, tai sob minute Epstein logo te thakea toh regret kure she. Tai koi she ki utu email khan toh kitea be pathai nai, aro utu email khan toh mesa ase koi she.
Add Comment