Tripura: 52 Saal maiki ke Gari para mari kina murai dishe

Agartala, February 7, 2026: Etu bia khobor te. 52 saal maiki Giribala Debnath ke Tipper gari speed para ahi kina murai dishe koishe. Etu toh Saturday laga phuzur te thakhishe koishe National Highway rasta laga PGT Office ageate. Etu toh Santir Bazae te ase.
Khobor hisab te, etu toh phuzur 9:00 am homoi te thakhishe. Yete Giribala Debnath toh K.C. para laga jagate thakhea manu ase koishe. Aru tai rasta paar kurea homoi te. Tipper Gari toh speed para thakhi kina taike mari dikina. Tai kebi chupai dishe koishe. Tai toh rasta te khun para borta hoi kina gumai thakhishe koishe.
Yete manu khan sob side para ahishe koishe. Aru taike Santir Bazar Hospital te loi jaishe koishe. Hoilebi Doctor para murishe koi kina janai dishe. Aru taike maridea gari toh polabole parishe koishe.