Meghalaya: Mine Phutea te duita dada bhai murea toh Nepal para ase

Shillong, February 7, 2026: February 6 din te. Officials khan para koishe ki. Duita Dada bhai murea toh Nepal para ase koishe. Yete 18 kaam kurea manu murea majote. Taikhan toh Meghalaya laga EastJaintia Hills District te Illegal Coal Mine te kaam kuri thakhi kina. Mine toh Phutishe koishe.
Police khan laga hisab te. Etu dada bhai toh Purna Bahadur Khapangi Magar (27) aru Surendra Khapangi Magar (24) ase koishe. Tai dujun toh Nepal laga Salyan District, Karnali para ase koishe. Duijun bi bomb phuti kina jaga jagate murishe koishe Thursday din te.
Officials khan para koishe ki. 3da kaam kurea manu alak khan bi Nepal para ase koishe. Taikhan bi jokhum hoishe koishe. Taikhan toh Net Bahadur Khapangi (35), Bam Bahadur Khapangi Magar (45) aru Karna Bahadur Khapangi Magar (40) ase koishe. Net Bahadur aru Bam Bahadur laga jokhum halat toh bi ate ase koishe. Police khan para bi koishe ki. Alak Nepali kaam kurea manu Lalit Bahadur Magar toh Udaypur District para ase koishe. Taibi bia para jokhum hoi kina ase koishe.