New Delhi, 10 February : Shooting te, India aji New Delhi-te Asian Rifle/Pistol Championship te double podium finish kori dise. India laga Aakriti Dahiya women’s 50-metre rifle three position event te silver medal jiti loise, tai 354.2 points score kori, Kazakhstan laga Sofiya Shulzhenko pora 4 points pichete finish korise. Sofiya gold medal jitse. Anjum Moudgil 340.4 points score kori bronze medal secure korise.
Itu pichete, India laga trio Aakriti Dahiya, Anjum Moudgil aru Aashi Chouksey women’s 50-metre rifle three-position team event te silver medal jitse. Taikhan milikena 1,756 points score korise. Kazakhstan team 1,760 points logote gold medal bag kori loise.
Add Comment