Shillong, February 10, 2026: Meghalaya laga East Jaintia Hill distrci te ekta illegal coal mine phutea te, etia toh murea toh 28 te uthe she, kumba jokhom pai kena thakea khan mure jai she koi she, hospital te treatment lo homoi, Shillong te.
Superintendent of Police Vikash Kumar para koi she ki, murea laga nam toh Raju Tamang, tai toh North Eastern Indira Gandhi Regional Institute of Health and Medical Science (NEIGRIMS) te treatment loi thake she. Mine phutea toh ja hafta te thake she, kunto kagus thik natha ke na cholai thake she Mynsyngat bosti laga Thangsku area te.
Chief Minister Conrad K. Sangma para announce kure she ki, state government para order de she judicial inquiry karne etu mamla laga opor te, kile mine toh phute jai she jane bole aro kun karne thake she jane bole karne.
Deputy Commissioner aro East Jaintia Hills district laga Superintendent of Police toh Meghalaya High Court laga ahge te ahe bole lage she, etu mamla logo te connection thakea karne. Phutea laga opor te beshe serious loi kena aro state te kagos thik nake kena chola beshe ho ja karne, High Court para report mangea ase kina authorities khan enia kagos thik natha kena chola khan ke rokha ase. Officials khan para koi she ki, etia be eight manu kun jokhom pai she, tai khan etia be treatment lo ase koi she alak alak hospital te para.
Add Comment