February 13, 2026: England toh Spain, Crotia aro Czech Republic khan logo te khele bole ase, 2026-27 Uefa Nations League group stage te, aro Wales toh ja sal laga champions Portugal khan logo te ekta group te ase.
England aro Wales toh Denmark aro Norway logo te be khele bole ase, knockout stages te qualify kure bole karne, dua jun be League A karne qualify kure she 2024-2025 competition te. Scotland kun etu sal World CUp te khele bole ase, tai khan 1998 para World Cup khele nai, tai khan Switzerland, Slovenia aro North Macedonia khan logo te khele bole ase League B group te.
League B te, Northern Ireland toh Hungary, Ukraine aro Georgia khan logo te khele bole ase, aro Republic of Ireland toh Israel, Austria aro Kosovo logo te khele bole ase. Uefa Nations League laga fifth edition toh September 2026 para June 2027 tuk thake bole ase koi she. Ja sal te Portugal khan para Spain ke penalty shootout te harai kena, tai khan laga second Nation League Trophy jete she.
Add Comment