Aizawl, February 13, 2026: 2028 laga saal para. Mizoram laga sob ghor khan te Piped Natural Gas (PNG) toh pabole ase koishe. Yete mat laga kaam khan toh Cnetre laga Flagship energy expansion Programme bitor te kurea ase koishe.
Officials khan para koishe ki State Capital, Aizawl aru Mamit laga town khan sobse first pabole nishina ase koishe. Yete ekbar bhak kurea laga suru hoishe koile.
Yete 119.5 km laga Gas Pipeline toh indradhanus Gas Grid Limited (IGGL) khan para dalishe koishe. Etu toh North East Natural Gas Pipeline Project bitor te kurishe koishe. Aru taikhan 45 per cent nishina kaam toh khotom kuri dishe koishe. Etu pipe toh Mizoram para Broader Gas Grid Network khan te connect kuribole ase koishe. Yete para State laga National Energy Infrastructure uthai dea ase koishe.
Mizoram te Gas supply kurea toh. Tripura laga ONGC Terminal pata anibole asekoishe. Aru yete Kanhmun, Zawlnuam, Kawrtah, Tuidam aru Darlawn khan sob paar kuribole ase koishe. Yete Mamit te napunchea ageate. Etu pichete Lengpui te jai kina 12km nishina aru Aizawl te ahibole ase koishe.
Add Comment