Nagaland laga Border aru Security Jamala khan

Nagaland toh India laga Northeastern phane chutu state ase. Hoilebi bishi important ase. Yete state toh Myanmar logotr International Border bhak kurea. Etu nimete jaga, Border aru Security laga jamala khan toh State karne important topic ase. Eti jamala khan toh khali safety ekila nahoi kina. Yete Economy aru manu laga hudai life bi duk dibole ase. Aru yete Myanmar laga border toh bishi diri homoi karne. Fencing khan pura lagai kina nai. Nahoilebi bishi jaga khan te strict tarika para control nakurea. Aru mati khan bishi bhak toh Pahar aru jungle parahe bon kuri kina ase. Yete para Security Forces khan bi sob jagate sabole duk pai ase. Kunba jaga, Bosti khan toh Border laga osor te ase. Duita side laga manu khan bi ahaja kuri thakhea. Yete saman, family aru alak reasons khan karne bi. Yete para local khan bi bhal para mili kina thakhea. Hoilebi yete Law Enforcement khan karne bi aru dangor jamala dea ase. Aru ekta bia tarika toh. Yete bia saman Drugs aru alak nisha khan anea karne. Kile koile Border toh sob jagate bhal para nasa karne. Kunba manu toh yete Drugs, Banduk khan aru alak bia saman khan smuggle kuri thakhea. Aru Drug Trafficking toh bishi dangor jamala ase. Kile koile region toh ‘Golden Traingle’ logote bishi osor ase. Aru etu toh Drug laga production karne manu bishi janea. Enika aram para drugs khan pa nimete. Nagaland laga Jawan manu khan addiction te gushijai. Yete para Families, nijor laga jibon aru future khan ke jamala dea ase. Security Forces khan toh India Army aru Border Security Agencies khan ase. Aru taikhan toh Region ke bachabole toh active te ase. Hoilebi enika  ucha pahar aru bishi jungle thakhea nimete. Kaam kuribole bishi dikdar hoijai taikhan bi. Panni jor para purea, rasta bia aru Bosti khan bi du rte thakhea khan patrol komti hoi. Aru kotha khan  bi eman nakuri jai. Yete kunba cases khan te Local manu aru Security Forces majote misunderstanding hoi kina jamala bi ulai jai. Yete Public aru Authorities khan majote biswas banabole lagea ase. Yete Sunsan aru Stability thakhibole karne. Etu jamala khan lok napabole nimete. Bhal Infrastructure khan lagea ase etea. Yete Masbut rasta, Yete Communication network bi bhal kuribole lagea ase. Aru Mordern Surveillance Systems khan bi lagea ase. Yete Security Forces khan taikhan laga kaam aram para kuribole nimete. Yete India aru Myanmar khan laga milibole lagea ase. Yete mili kina enika bia kaam khan nakuribole nimete. Yete para duita side phane bi safety hubole karne.