New Delhi, 16 February :Actor Rajpal Yadav etiya das saal pora purana ekta mamla nimite Tihar Jail te ase. Itu mamla tou film nimite loi thaka lagbhag ₹9 crore poisa ghurai dibo napara kuina hoise.
- Delhi High Court aji Rajpal Yadav laga bail plea hunibo, aru dupor phale actor laga bhagya upor faisla ahibo.
- Agey court Rajpal ke ekbar bail dibo mana korise. Actor tou 2010 te Delhi-based Murali Projects Pvt Ltd pora ₹5 crore loi thakise, tai laga directorial debut Ata Pata Laapata nimite.
- Film tou box office te fail hoise kuina, Rajpal poisa ghurai dibo naparile, itu pora court mamla suru hoise.
- 2018 te, Magisterial Court pora Rajpal aru tai laga maiki Radha duijon ke dosi sabit kori, choy mahina simple imprisonment saza dise.
- Itu conviction tou early 2019 te Sessions Court pora bhi uphold korise. Itu pichete, Rajpal Yadav High Court te appeal korise.
- June 2024 te, Delhi High Court Rajpal ke temporary relief dise — sentence suspend kori, aru tai ke outstanding dues clear koribo “sincere aru genuine steps” lobole koise.
- Itu saal February 2 te, court Rajpal ke surrender koribole order dise, koise ki actor tou bar bar court ke diya undertaking breach korise aru complainant ke poisa ghurai diya nai.
- Actor tou February 5 te court agey te surrender korise, aru tai nijor pora koise ki etiya baki poisa dibole tai laga capacity nai. Itu pichete tai ke Tihar Jail te pathaise.
- Actor Sonu Sood Bollywood pora agey support diya manuh ase. Tai Rajpal ke tai laga next film te sign kori, undisclosed amount signing bonus dise, aru industry laga dusra manuh ke bhi itu type support koribole urge korise.
- Federation of Western India Cine Employees (FWICE) bhi sob member ke Rajpal Yadav ke support koribole koise. Kunba dangor Bollywood star, Salman Khan aru Ajay Devgn, tai laga family logot contact korise.
- Rajpal laga manager pora koise ki actor tou original amount laga adha poisa already ghurai dise, aru baki tou joldi ghurai dibole try kori ase.
Add Comment